Haradinaj priti në takim ambasadorin e Austrisë, Pfandler

12:20 | 23 Qershor 2017
Arbresh.info

Lideri i AAK-së, Ramush Haradinaj ka pritur sot në takim ambasadorin e Austrisë në Kosovë, Gernot Pfandler.

Haradinaj ka bërë të ditur se me Pfandler diskutuan për rrugën e krijimi të institucioneve të reja të vendit, shkruan arbresh.info.

Lexoni të plotë postimin e tij në Facebook:

Vazhdova ditën e sotme me takimin me ambasadorin e Austrisë, Gernot Pfandler, me të cilin bashkëbiseduam për procesin zgjedhor dhe rrugën drejt krijimit të institucioneve të reja të vendit.

Roli i shtetit austriak në proceset e shtetndërtimit të Kosovës ka qenë i madh dhe Austria vazhdon të jetë një partner i rëndësishëm në rrugën e integrimeve evropiane.

Vlerësova rëndësinë e vazhdimit të bashkëpunimit ndërmjet dy vendeve tona, posaçërisht në fushën e zhvillimit ekonomik, shëndetësisë dhe arsimit./Arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm